Umuhimu wa tovuti/mtandao kwa biashara ndogo.

-

Katika ulimwengu wa leo kupatikana au kutokupatika kwa biashara yako katika mtandao wa internet kutaathiri  kiasi cha mafanikio utakayopata. Ni muhimu kila mmiliki wa biashara  kuwezesha biashara yake kupatikana na kuonekana mtandaoni kwa kupitia tovuti za kompyuta,simu au kurasa za mitandao ya jamii.  Mtandao wa internet  unatakiwa uwe nguzo na nyenzo muhimu sana katika mkakati wako wa kutangaza biashara au bidhaa.
Katika sehemu ya kwanza ya makala hii nitaonyesha umuhimu wa mfanyabiashara au mtu binafsi kumiliki tovuti. Tovuti nzuri ina uwezo mkubwa wa  kuipa biashara yako thamani na kukutofautisha na  washindani wenzako katika soko la bidhaa na huduma.

Zifuatazo ni baadhi ya faida za kumiliki tovuti na kuitumia kama chombo cha kufanya biashara na  kujitangaza.

Tovuti itafanya biashara yako iaminike zaidi.

Katika kizazi hiki  watu wengi zaidi hutegemea mtandao wa internet kutafuta taarifu kuhusu bidhaa au huduma flani kabla ya kufanya maamuzi ya kununua. Biashara yako itanufaika mno kama itakua inapatikana kwa urahisi mtandaoni. Bila tovuti wateja wengi hasa vijana watafanya manunuzi  kwa washindani wako ambao taarifa zao zinapatikana mtandaoni.

Utajitangaza saa 24 kila siku kwa gharama kidogo kuliko njia  nyingine za kawaida za matangazo.

Gharama ya kutengeneza tovuti hutofautiana kulingana na mtengenezaji lakini punde tovuti itakapo kamilika, itakupa wewe na biashara yako uwezo wa kujitangaza kila saa sababu tovuti hupatikana hewani muda wote,wakati wowote na mahali popote ulimwenguni. Njia za kawaida za kujitangaza kama redio,magazeti na TV zinagharama kubwa mno. Tovuti iliyotengenezwa vyema  ni  moja kati ya njia rahisi zaidi na ya gharama nafuu zaidi ya  kutangaza biashara yako katika kizazi hiki  kinachotegemea mtandao.

Tovuti ni kipeperushi chako cha mtandaoni.

Tovuti ni kipeperushi kinachoelezea biashara yako ambacho kinaweza onekana mahali popote  duniani. Vipeperushi vya kawaida huchanika na kuharibika baada ya muda lakini tovuti  huzidi kuonekana pasipo kujali ilitengenezwa lini. Tovuti pia ni njia rahisi ya kuwataarifu wateja wako kuhusu bidhaa mpya,promosheni au huduma  mpya.

Urahisi kwa wateja wako

Tovuti huwapa wateja wako urahisi mkubwa, kwa sababu wanaweza wakatafuta/kugundua bidhaa na huduma ulizonazo wangali nyumbani au ofisini mwao pasipo kuingia gharama ya kusafiri hadi dukani mwako.  Urahisi huu  huwasaidia wateja wako kuokoa gharama na hivyo kuvutiwa zaidi kufanya biashara na wewe. Wateja huvutiwa kwa sababu miundo mbinu yako  huwasaidia kupunguza gharama ambazo wangekabiliana nazo kutembelea duka lako ili kujua huduma na bidhaa zipatikanazo. Swala hili litakupa upendeleo machoni pa wateja kuliko wenzako wasio na miundo mbinu ya mtandaoni.
Uwezo wa kufanya biashara popote nchini na ulimwenguni.
Tovuti hupatikana popote ulimwenguni, kwa hivyo unaweza kupata wateja popote pasipo kujali mipaka ya kijiografia. Unachotakiwa kufanya ni kutoa huduma na bidhaa ambazo ni bora kuliko washindani wengine katika soko husika.   
Ni muhimu SANA kwa mmiliki wa biashara kutengeneza tovuti au ukurusa katika mitandao ya kijamii kwani uwepo wako mtandaoni  utachangia sana kukuza kipato chako hasa katika bidhaa na huduma zinazotumika na vijana.

***
Tunaweza kutengeneza  tovuti kwa ajili ya biashara yako. Wasiliana nasi kwa:
Simu: +255 767 840 494.
Barua pepe: info@webconsulting.co.tz

Nakutakia mafanikio!

Comments

Post a Comment

Popular posts from this blog

Namna Ya Kuanzisha Biashara

-
 Namna ya kuanzisha biashara ni hatua muhimu na inahitaji mipango mizuri ili kuhakikisha mafanikio ya biashara yako. Hapa chini kuna mwongozo wa hatua kwa hatua juu ya jnamna ya kuanzisha biashara: 1. Pata Wazo la Biashara Kufanya Utafiti wa Soko: Tambua fursa sokoni: Angalia mahitaji yasiyotimizwa na matatizo ambayo unaweza kutatua. Chunguza ushindani: Fahamu washindani wako na jinsi wanavyotoa huduma au bidhaa zao. Zungumza na wateja watarajiwa: Pata maoni ya wateja kuhusu wazo lako la biashara. 2. Andaa Mpango wa Biashara Mpango wa biashara ni ramani yako ya kufanikisha malengo ya biashara yako. Vipengele muhimu ni pamoja na: Muhtasari: Eleza kwa ufupi biashara yako, lengo lake, na mikakati. Uchambuzi wa soko: Onyesha uelewa wako wa soko na ushindani. Mpango wa masoko: Eleza jinsi utakavyofikia na kushawishi wateja wako. Mipango ya kifedha: Onyesha makadirio ya mapato, matumizi, na faida. 3. Pata Mtaji Biashara nyingi zinahitaji mtaji wa kuanzisha. Hizi ni njia za kupata ...
Read more

Biashara Ya Mbao.

-
 Biashara ya mbao ni fursa adhimu ambayo kijana unaweza kutumia katika eneo la Mafinga, Iringa, Tanzania. Mafinga ni eneo maarufu kwa biashara ya mazao ya miti mathalani mbao lakini unaweza kufanya biashara hii katika maeneo mengine pia. Ni muhimu kuelewa kwamba tasnia ya mbao inaweza kuwa na fursa nyingi. Kutokana na mahitaji ya mbao kwa ajili ya ujenzi, vifaa vya samani, na matumizi mengine mbalimbali. Hapa kuna mambo kadhaa unayoweza kuyachunguza ili kuelewa na kufaidika na fursa za uzalishaji wa mbao huko Mafinga, Iringa: Uchunguzi wa Soko: Fanya utafiti wa kina kuhusu mahitaji ya soko la mbao katika eneo la Mafinga. Jua ni aina gani za mbao zinazohitajika zaidi, na ni kiasi gani cha uzalishaji kinachotakiwa kukidhi mahitaji hayo. Upatikanaji wa Malighafi Hakikisha kwamba kuna upatikanaji wa kutosha wa malighafi, kama vile miti iliyokomaa na inayofaa kwa uzalishaji wa mbao. Pia, hakikisha kwamba shughuli za ukataji miti zinazingatia miongozo ya uhifadhi wa mazingira. Teknolojia...
Read more

USIMAMIZI WA FEDHA KATIKA BIASHARA YAKO.

-
Image
Moja kati ya elimu muhimu kwa kila mtu ambaye ameamua kufanya biashara ni elimu ya USIMAMIZI WA FEDHA. Fedha inahitaji usimamizi wa hali ya juu ili iweze kuongezeka na kutimiza malengo ulionayo katika biashara yako. Unapokosa usimamizi mzuri kwenye masuala ya fedha inaweza kuzalisha matatizo kadha wa kadha katika biashara yako. Baadhi ya matatizo yanayoweza kutokea kwenye biashara yako kwasababu ya kukosa usimamizi mzuri wa fedha. Unaweza kupata hasara katika biashara yako. Unaweza kupunguza kiasi cha mtaji wako. Unaweza kuingia kwenye mgogoro wa madeni. Unaweza kushindwa kununua mali ghafi kwaajili ya uzalishaji. Unaweza kupoteza thamani ya jina la biashara yako. Unaweza kupunguza thamani ya ubora wa bidhaa zako. Kuna matatizo lukuki ambayo yanaweza kujitokeza kwasababu ya kukosa usimamizi mzuri kwenye masuala ya fedha hivyo elimu ya masuala ya usimamizi wa fedha ni muhimu sana katika biashara yako. Usimamizi wa fedha ni nini ? Usimamizi wa fedha ni namna ya kusim...
Read more