Jinsi ya kupata wazo la biashara (Sehemu ya pili)

-




ANGALIA UNAPENDA NINI KISHA KIGEUZE KUWA  BIDHAA  AU HUDUMA.

Kuna idadi kubwa ya watu ambao wamepata mawazo ya kuanzisha biashara kupitia njia hii na hatimaye kujitengenezea kipato kizuri. Kila mwanadamu kuna jambo fulani au kitu fulani ambacho yeye anapenda kufanya hivyo ni vyema ukajichunguza unapenda nini na hatimaye kugeuza hicho unachopenda kuwa bidhaa au huduma.

Mfano I
Kama wewe unapenda shughuli za kilimo unaweza kuanzisha shughuli za kilimo biashara (Agribusiness) ukijikita katika uzalishaji wa mazao ya biashara, pia waweza kuanzisha kiwanda cha usindikaji wa mazao ya kilimo ili kuongeza thamani na kisha kijitengenezea kipato kizuri kabisa.

Mfano II
Kama wewe unapenda maswala ya mitindo na urembo waweza kuanzisha kampuni itakayokuwa inashughulika na utengenezaji wa nguo ,vipodozi usambazi  marashi ,mafuta ya kujipaka na bidhaa nyingine zinazohusika na mitindo na urembo.Unaweza kuanzisha saluni za kiume na za kike ilikuweza kufanya jambo unalolipenda na pia kujitengenezea kipato.

Mfano III
Kama wewe unapenda kusafiri unaweza kuanzisha kampuni itakayokuwa inatoa huduma za usafiri kutoka mkoa mmoja kwenda mwingine wakati ukijipanga kutanua wigo mpaka kutoa huduma za usafiri kimataifa.Waweza kuanzisha kampuni itakayokuwa inatoa huduma za usafiri katika sherehe mbalimbali kama harusi au kuingia mikataba na taasisi ambazo hazina magari ya kutosha hivyo kutoa huduma hiyo kwao na wakati ukijiingizia kipato.

Mfano IV
Kama unapenda tasnia ya teknolojia ya habari hii inaweza kuwa njia nzuri ya kuanzisha kampuni ambayo itajikita katika uandaji wa vipindi vya redio na televisheni pia unaweza kuanzisha kituo cha kurusha matangazo kwa njia ya redio au televisheni.Unaweza kuanzisha studio ya kurekodia matangazo ya biashara na kisha kuingia mikataba na makapuni au taasisi ambazo utakuwa unawaandalia matangazo yao ya biashara,pia unaweza kuanzisha huduma ya uandaaji wa makala mbalimbali wakati unafurahia kufanya unachopenda pia utakuwa unajitengeneza kipato kizuri .

Mfano V
Kama wewe unapenda maswala ya ufugaji kama kuku,ng'ombe ,mbuzi ,njiwa ,ufugaji wa samaki unaweza kuanzisha ufagaji biashara. Kwa hiyo utafuga mifugo kwasababu unapenda kufuga na wakati huohuo utakuwa unajitengenezea kipato .

Mfano VI
Kama wewe unapenda maswala ya uandishi na usomaji wa vitabu ,majarida unaweza kuanzisha kampuni ya kuchapisha (Publication Company)ambayo itajikita katika uchapishaji wa  vitabu,majarida ,tisheti na vipeperushi hivyo kujitengenezea kipato.

Faida za njia hii

Tafiti zinaonyesha watu wengi wanaofanya kazi wanazozipenda huwa wanafanya kazi katika ufanisi wa hali ya juu.Mtu ambaye anafanya kazi anayoipenda ni mtu ambaye huwa na furaha maisha mwake, pia utakuwa unajitengenezea kipato kizuri hivyo utakapo amua kutumia njia hii kupata wazo la biashara utapata faida hizo nilizozitaja hapo juu.

Changamoto na suluhu yake.

Ushindani ndio changamoto kubwa katika njia hii hivyo unahitaji kuja na ubunifu wa hali ya juu ilikutoa huduma nzuri kulingana na ushindani ulioko sokoni; kwasababu unaweza kuta kitu unachopenda kuna mtu mwingine anakipenda pia na tayari ameshaanza kutoa huduma au bidhaa hiyo sokoni. Ukitaka kufanikiwa katika njia hii unatakiwa kutoa bidhaa nzuri na zatofauti na yule mshindani wako ilikuweza kupata wateja wakutosha.

Ushauri 

Kabla ya kuanzisha biashara husika kupitia njia hii ni vema ukafanya tafiti za kutosha kuhusu soko la hiyo biashara unayotakakufanya na kisha kujua kama unachopenda kina weza kuwa bidhaa au huduma inayohitajika sokoni.Nakushauri ndugu yangu usikimbilie kuanzisha biashara bila kuwa na taarifa sahihi juu ya soko husika kwasababu mfanyabiashara  huzalisha bidhaa zake  kwaajili ya kuuza sokoni na si vinginevyo.

Itaendelea sehemu ya III

Imeandaliwa na James Albert. 
Namba ya simu +255717162510
Barua pepe jamesalbert157@gmail.com 

Comments

Post a Comment

Popular posts from this blog

Namna Ya Kuanzisha Biashara

-
 Namna ya kuanzisha biashara ni hatua muhimu na inahitaji mipango mizuri ili kuhakikisha mafanikio ya biashara yako. Hapa chini kuna mwongozo wa hatua kwa hatua juu ya jnamna ya kuanzisha biashara: 1. Pata Wazo la Biashara Kufanya Utafiti wa Soko: Tambua fursa sokoni: Angalia mahitaji yasiyotimizwa na matatizo ambayo unaweza kutatua. Chunguza ushindani: Fahamu washindani wako na jinsi wanavyotoa huduma au bidhaa zao. Zungumza na wateja watarajiwa: Pata maoni ya wateja kuhusu wazo lako la biashara. 2. Andaa Mpango wa Biashara Mpango wa biashara ni ramani yako ya kufanikisha malengo ya biashara yako. Vipengele muhimu ni pamoja na: Muhtasari: Eleza kwa ufupi biashara yako, lengo lake, na mikakati. Uchambuzi wa soko: Onyesha uelewa wako wa soko na ushindani. Mpango wa masoko: Eleza jinsi utakavyofikia na kushawishi wateja wako. Mipango ya kifedha: Onyesha makadirio ya mapato, matumizi, na faida. 3. Pata Mtaji Biashara nyingi zinahitaji mtaji wa kuanzisha. Hizi ni njia za kupata ...
Read more

Biashara Ya Mbao.

-
 Biashara ya mbao ni fursa adhimu ambayo kijana unaweza kutumia katika eneo la Mafinga, Iringa, Tanzania. Mafinga ni eneo maarufu kwa biashara ya mazao ya miti mathalani mbao lakini unaweza kufanya biashara hii katika maeneo mengine pia. Ni muhimu kuelewa kwamba tasnia ya mbao inaweza kuwa na fursa nyingi. Kutokana na mahitaji ya mbao kwa ajili ya ujenzi, vifaa vya samani, na matumizi mengine mbalimbali. Hapa kuna mambo kadhaa unayoweza kuyachunguza ili kuelewa na kufaidika na fursa za uzalishaji wa mbao huko Mafinga, Iringa: Uchunguzi wa Soko: Fanya utafiti wa kina kuhusu mahitaji ya soko la mbao katika eneo la Mafinga. Jua ni aina gani za mbao zinazohitajika zaidi, na ni kiasi gani cha uzalishaji kinachotakiwa kukidhi mahitaji hayo. Upatikanaji wa Malighafi Hakikisha kwamba kuna upatikanaji wa kutosha wa malighafi, kama vile miti iliyokomaa na inayofaa kwa uzalishaji wa mbao. Pia, hakikisha kwamba shughuli za ukataji miti zinazingatia miongozo ya uhifadhi wa mazingira. Teknolojia...
Read more

USIMAMIZI WA FEDHA KATIKA BIASHARA YAKO.

-
Image
Moja kati ya elimu muhimu kwa kila mtu ambaye ameamua kufanya biashara ni elimu ya USIMAMIZI WA FEDHA. Fedha inahitaji usimamizi wa hali ya juu ili iweze kuongezeka na kutimiza malengo ulionayo katika biashara yako. Unapokosa usimamizi mzuri kwenye masuala ya fedha inaweza kuzalisha matatizo kadha wa kadha katika biashara yako. Baadhi ya matatizo yanayoweza kutokea kwenye biashara yako kwasababu ya kukosa usimamizi mzuri wa fedha. Unaweza kupata hasara katika biashara yako. Unaweza kupunguza kiasi cha mtaji wako. Unaweza kuingia kwenye mgogoro wa madeni. Unaweza kushindwa kununua mali ghafi kwaajili ya uzalishaji. Unaweza kupoteza thamani ya jina la biashara yako. Unaweza kupunguza thamani ya ubora wa bidhaa zako. Kuna matatizo lukuki ambayo yanaweza kujitokeza kwasababu ya kukosa usimamizi mzuri kwenye masuala ya fedha hivyo elimu ya masuala ya usimamizi wa fedha ni muhimu sana katika biashara yako. Usimamizi wa fedha ni nini ? Usimamizi wa fedha ni namna ya kusim...
Read more